Y wefan sy'n cynnwys hanes diwylliannol Cymru
Y wefan sy'n cynnwys hanes diwylliannol Cymru
Chwilio |
Ffilm: 'Unveiling of Aberystwyth War Memorial', ffilm gan G. A. Cheetham, (1923)Ffilm ddu a gwyn fud gan G. A. Cheetham o gasgliad Archif Genedlaethol Sgrin a Sain Cymru. Ffilm ddu a gwyn fud o'r seremoni a gynhaliwyd yn Aberystwyth ar 14 Medi 1923 i ddadorchuddio'r gofeb ryfel. Mae'r ffilm hefyd yn cynnwys golygfeydd o fabolgampau ysgol, ras 'town v gown', a ras gerdded i fechgyn. Cafodd y ffilm newyddion hon ei chynhyrchu gan fab Arthur Cheetham (1864-1936), cynhyrchydd ffilmiau arloesol a pherchennog sinemâu, ar gyfer ei dangos yn sinemâu'r teulu, yn benodol sinema'r Palladium yn Stryd y Farchnad, Aberystwyth. Gallwch wylio wyth clip o'r ffilm hon. Mae'r ddau glip cyntaf yn dangos seremoni ddadorchuddio cofeb ryfel Aberystwyth, 14 Medi 1923. Cafodd y gofeb ei chynllunio gan yr Athro Rutelli o Rufain a'i hadeiladu o garreg a gloddiwyd yn chwarel Ystrad Meurig. Yn y ffilm hon o'r seremoni ddadorchuddio, gwelir Arglwydd Ystwyth, yn ei het silc, yn sefyll ar risiau'r gofeb. Mae'r maer, Capten Edward Llewellyn, yn annerch y dorf ac yna'n dadorchuddio'r gofeb gan dynnu baner Jac yr Undeb i ddatgelu enwau'r meirwon. Mae'r Henadur J. Barclay Jenkins, ar ran Corfforaeth Aberystwyth, yn cyflwyno gweithred y gofeb i'r maer. Yna, mae nifer o dorchau yn cael eu gosod ar risiau'r gofeb. Mae'r clipiau eraill yn dangos golygfeydd o fabolgampau ysgol a gynhaliwyd ar gaeau Plas Crug, Aberystwyth, ras 'town v gown', a ras gerdded i fechgyn.
|
||||||||||||||||||||||||||||
Datganiad Preifatrwydd | Hygyrchedd | Hawlfraint
Culturenet Cymru, Llyfrgell Genedlaethol Cymru, Aberystwyth, Ceredigion, SY23 3BU, UK
