Ffilm: 'Turn Out of the Cardiff Fire Brigade' (1924)

Ffilm ddu a gwyn fud o Frigâd Dân Caerdydd o gasgliad Archif Genedlaethol Sgrin a Sain Cymru.

Cafodd y ffilm fer hon ei saethu yng Ngorsaf Dân Caerdydd ym 1924. Yn anffodus, nid ydym yn gwybod pwy oedd yn gyfrifol am y ffilmio ac nid ydym yn gwybod ychwaith os oedd y ffilm yn hirach na'r 5 munud sydd wedi goroesi, ond mae'n debyg y gallwn ddweud i sicrwydd i'r ffilm gael ei chynhyrchu at ddiben arbennig, efallai fel ffilm fer i'w dangos cyn y brif ffilm yn y sinema? Yn y ffilm mae gŵr ifanc yn ffonio'r frigâd dân o deliffon yn y stryd ac mae'r dynion tân yng ngorsaf Caerdydd yn ymateb i'r alwad. Yn y golygfeydd a ffilmiwyd mae'r frigâd dân yn chwistrellu dŵr ar adeilad er ei fod yn ymddangos bod y tân wedi diffodd erbyn i'r ffilm gael ei gwneud. Ar ddiwedd y ffilm, rydym yn cyfarfod yr Arolygydd G. A. Bainbridge a'r swyddogion a fu'n diffodd y tân. Gallwch wylio dau glip o'r ffilm hon.

Clip cyntaf o'r ffilm 'Turn Out of the Cardiff Fire Brigade' (1924)
	Yma gwelir Brigâd Dân Caerdydd yn rhuthro i'r argyfwng mewn cwmwl o lwch....  Darllenwch fwy a gwyliwch y ffilm>
Ail glip o'r ffilm 'Turn Out of the Cardiff Fire Brigade' (1924)
	Gan barhau o'r clip blaenorol, yma gwelir Brigâd Dân Caerdydd yn diffodd adeilad sydd ar dân. Ar ddiwedd y clip rydym yn cael ein cyflwyno i'r Uwcharolygydd G. A. Bainbridge a swyddogion Brigâd Dân...  Darllenwch fwy a gwyliwch y ffilm>